..{انــــا البــــــصره}.. الك هاي حسام ناصرية اخوك قصي***** طبعا والكم ****

اهداء الى زميلي وصديقي حســـــــــــــــام البصراوي





أنــــا الــــبصره
***
توشحت بسواد وحزن صار اسنين *** بجيت عله الجبل والهور والوادي
انه شط العرب وجفوفي درن خير *** انه سفرة كرم ما خاب كصادي
انه ابن العراق بكل حضاره البيه *** شناشيلي صرح للعاشر اجدادي
انه ابو المعارف للعقول متاع *** ما عوني شعر والمعرفه بزادي
فراهيدي وحسن والجاحظ وسياب *** ميراث العلم تتوارث اولادي
انه اكليلي النخل وبجفي حنة فاو *** على باب الخليج اندكَت اوتادي
أنه اشراع السفينه وصفنة البلام *** انه خبز القناعه بشبج صيادي
أنه عشب الزبير وزهور العشار *** أنه رمل الجزيره وليلهه الهادي
انه خطوة علي بتاريخه المهيوب *** ميناء ام قصر للجاي ولغادي
أنه جرح السواتر والحروب اشكال *** ودموع اليتامه بلفة اضمادي
انه صوغة الموت وللطفل تابوت *** وجنازة حبيبه مشيع الحادي
انه قصة مدينه بذمة المسؤول *** وتناشد ضمير ايعيدلي امجادي







[center]

اتمنى زيارة كل غصن من اغصان شجرة القلب العراق وآمل ان اقف بجوار السياب والتقط صورة معه.. لتذكرني بناقوس شعره دوما . ودي لك

ان شاء الله تزور السياب واتمنى اني هم ازوره