منتدى طلبة قسم الاعلام جامعة تكريت

منتدى طلبة قسم الاعلام في جامعة تكريت منتدى ثقافي طلابي شبابي خاص بطلاب قسم الاعلام وجد ليعبروا عن افكارهم ومقترحاتهم و ابداعاتهم فمرحبا بكم في منتداكم

    *(تعرفون بابا نؤيل ليش ميجي للعراق )*

    شاطر
    avatar
    ليث ردام رشيد

    عدد المساهمات : 323
    نقاط : 447
    السٌّمعَة : 0
    تاريخ التسجيل : 20/01/2010
    العمر : 28
    الموقع : صلاح الدين _ تكريت

    *(تعرفون بابا نؤيل ليش ميجي للعراق )*

    مُساهمة  ليث ردام رشيد في الأربعاء فبراير 03, 2010 5:35 pm



    --------------------------------------------------------------------------------

    ::مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..

    بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت... گيــت.. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

    المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات.. لها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.

    والتمّت المونيكات والهمرات والحرس الوطني والشرطة

    ... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.

    رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.

    ويدكهة الرجّال مشي من بغداد لبيتهم حتى فلوس كيا بجيبه ماكو وگال ويه روحه: آني أجي لبغداد بعد المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة..
    وگوة فهموا شنو مفخخة.

    كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..
    عرفتو ليش ميجي للعراق
    avatar
    احمد سعد سلمان

    عدد المساهمات : 331
    نقاط : 456
    السٌّمعَة : 0
    تاريخ التسجيل : 10/10/2009
    العمر : 29

    رد: *(تعرفون بابا نؤيل ليش ميجي للعراق )*

    مُساهمة  احمد سعد سلمان في الإثنين فبراير 08, 2010 3:43 am

    هع هع هع هع هع هع هع


    Laughing بس احلة شي مال المونيكات والشرطة Laughing
    avatar
    ليث ردام رشيد

    عدد المساهمات : 323
    نقاط : 447
    السٌّمعَة : 0
    تاريخ التسجيل : 20/01/2010
    العمر : 28
    الموقع : صلاح الدين _ تكريت

    رد: *(تعرفون بابا نؤيل ليش ميجي للعراق )*

    مُساهمة  ليث ردام رشيد في الإثنين فبراير 08, 2010 4:43 am

    هلا ابو شهاب بس لا انت هم شاركت ويا اهل المونيكات ولحكت بابا نؤيل

    خطية اعتزل من ورة العراقيين
    احمد ليش متصير بابا نؤيل



    avatar
    اسراءاسماعيل

    عدد المساهمات : 354
    نقاط : 459
    السٌّمعَة : 1
    تاريخ التسجيل : 22/10/2009

    رد: *(تعرفون بابا نؤيل ليش ميجي للعراق )*

    مُساهمة  اسراءاسماعيل في الإثنين فبراير 08, 2010 6:20 am

    santa affraid

    شكرا ليث
    avatar
    ليث ردام رشيد

    عدد المساهمات : 323
    نقاط : 447
    السٌّمعَة : 0
    تاريخ التسجيل : 20/01/2010
    العمر : 28
    الموقع : صلاح الدين _ تكريت

    رد: *(تعرفون بابا نؤيل ليش ميجي للعراق )*

    مُساهمة  ليث ردام رشيد في الإثنين فبراير 08, 2010 12:13 pm

    لا شكر على واجب تدللون


    avatar
    HANEEN HASHEEM

    عدد المساهمات : 173
    نقاط : 201
    السٌّمعَة : 0
    تاريخ التسجيل : 16/12/2009
    العمر : 27
    الموقع : فوق القمر

    شي خرافي

    مُساهمة  HANEEN HASHEEM في الأربعاء مارس 10, 2010 8:55 am

    طبعا عااااااشت ايدك صدك حلوة وعجبتني هواية مشكوووور
    avatar
    ليث ردام رشيد

    عدد المساهمات : 323
    نقاط : 447
    السٌّمعَة : 0
    تاريخ التسجيل : 20/01/2010
    العمر : 28
    الموقع : صلاح الدين _ تكريت

    رد: *(تعرفون بابا نؤيل ليش ميجي للعراق )*

    مُساهمة  ليث ردام رشيد في الأربعاء مارس 10, 2010 1:19 pm

    يدللو حنونة
    هلا بيج بالمنتدى منورتة والله
    شكرا الج

      الوقت/التاريخ الآن هو الإثنين أكتوبر 23, 2017 4:26 pm