منتدى طلبة قسم الاعلام جامعة تكريت

منتدى طلبة قسم الاعلام في جامعة تكريت منتدى ثقافي طلابي شبابي خاص بطلاب قسم الاعلام وجد ليعبروا عن افكارهم ومقترحاتهم و ابداعاتهم فمرحبا بكم في منتداكم

    الامثال العراقية

    شاطر
    avatar
    محمد صالح

    عدد المساهمات : 119
    نقاط : 194
    السٌّمعَة : 0
    تاريخ التسجيل : 14/10/2009
    الموقع : softnet_iraq@yahoo.com

    الامثال العراقية

    مُساهمة  محمد صالح في السبت أكتوبر 31, 2009 3:43 am

    الامثا ل الشعبية العراقية


    1- يتعلم الحجامة بروس اليتامى
    2- اطعم الحلك تستحي العين
    3- يحفر البير بابرة
    4- النادرة تغزل بعود والجايفة تكول الشج معووج
    5- عند البطون تعمي العيون
    6- سبع صنايع والبخت ضايع
    7- لسان الطيب يطلع الحية من الزاغور
    8- مو كل من صخم وجهة كال اني حداد
    9- كلمن يحود النار لكرصتة
    10- صفي النية ونام بالبرية
    11- احاجيج يابنتي واسمعج ياجنتي
    12- هم نزل وهم يدبج عالسطح
    13- ايدة بالماعون واصابعة بالعيون
    14- بيضة اليوم احسن من دجاجة باجر
    15- شين التعرفة احسن من زين المتعرفة
    16- تدهدر الجدر لكة قبغة
    17- بير التشرب منها مي لتذب بيها حجارة
    18- الما يسوكة مرضعة ضرب العصي ما ينفعة
    19- الدنيا كون كلمن همة لون
    20- كل لشة تتعلك من كراعها
    21- كلمن ذنبة على جنبة
    22- الشبعان ميدري بدرد الجوعان
    23- ياحافر البير لاتغمج مسا حيها خاف الفلك يندار وانت تكع بيها
    24- المبلل ميخاف من المطر
    25- اللي يريد شىء يفوت شىء
    26- المينوش العنب يكول حامض
    27- ورة مخلص العرس اجتي الرعنة تهلهل
    28- الديج الفصيح من البيضة يصيح
    29- صانع الاستاذ استاذ ونص
    30- لو ردت صديقك دوم حاسبة كل يوم
    31- صاحب صنعة ولاصاحب قلعة
    32- سد بابك امن جارك
    33- طلعها من حلك السبع خشت ابطن الواوية
    34- انهزم من جوة المطر وكع جوة المرزيب
    35- بالوجه مراية وبالكفة سلاية
    36- من السكوتي طكي وموتي ومن الورواري خلي وفوتي
    37- جدرة على نارة وعينة على جارة
    38- نست مرة العم جانت جنة
    39- ياعجوز ما جنتي جنة
    40- الشادي بعين امة غزال
    41- حتى القمر بي لولة
    42- ودع البزون شحمة
    43- من تكثر الملاليح تغرك السفينة
    44- مكدي ميحب مكدي
    45- ظل البيت لمطيرة طارت بي فد طيرة
    46- الميعرف تدابيرة حنطتة تاكل شعيرة
    47- المفلس بالقافلة امين
    48- موت يا زمال لمن يجيك الربيع
    49- عيش يا كديش لمن يطلع الحشيش
    50- خلي المر جوة والحلو فوك
    51- غاب القط العب يا فار
    52- جا يكحلها عماها
    53- يشتري سمج بالشط
    54- حجارة الما تعجبك تفجخك
    55- ها لباب على ها الخرابة
    56- ما تضيك الا تفرج
    57- العاضتة الحية يخاف من مسحالها
    58- كلمن دك طبلة هو كبلة
    59- مو كل مدعبل جوز
    60- مد رجلك على كد غطاك
    61- اذا لم تستطيع ان تعض فلا تظهر اسنانك
    62- لو تفك بابك وتفتخر لو تسد بابك وتنستر
    63- رومانتين بفد ايد متنلزم
    64- خاشوكة خاشوكة تنترس البستوكة
    65- يوم كيمر وعسل يوم خبز وبصل
    66- دخانك عماني وطبيخك ما جاني
    67- الرحية دايرة والبركة طايرة
    68- كلمن بعقلة راضي لكن برزقة لا
    69- اتعب يا شجي للنايم المنتجي
    70- يوم لك ويوم عليك
    avatar
    احمد سعد سلمان

    عدد المساهمات : 331
    نقاط : 456
    السٌّمعَة : 0
    تاريخ التسجيل : 10/10/2009
    العمر : 29

    رد: الامثال العراقية

    مُساهمة  احمد سعد سلمان في السبت أكتوبر 31, 2009 8:01 am

    تسلم والنعم
    avatar
    اسراءاسماعيل

    عدد المساهمات : 354
    نقاط : 459
    السٌّمعَة : 1
    تاريخ التسجيل : 22/10/2009

    رد: الامثال العراقية

    مُساهمة  اسراءاسماعيل في الجمعة نوفمبر 06, 2009 10:25 am

    شكرا على الامثال

    هذا مثل مصلاوي (كلشي من السوق بس المحبي من فوق )


    ومثل سوري (كبو القهوة من عماهم وقالو الخير جاهم )
    avatar
    HANEEN HASHEEM

    عدد المساهمات : 173
    نقاط : 201
    السٌّمعَة : 0
    تاريخ التسجيل : 16/12/2009
    العمر : 27
    الموقع : فوق القمر

    رد: الامثال العراقية

    مُساهمة  HANEEN HASHEEM في السبت مارس 13, 2010 2:27 am

    هههههههههههههههههههه
    عجبتني الامثال مشكووور محمد
    والي عجبني اكثر مثل اسراء
    (كبو القهوة من عماهم وقالو الخير جاهم )

      الوقت/التاريخ الآن هو الإثنين أكتوبر 23, 2017 4:29 pm